Lənkəran-Astara Regional Təhsil İdarəsi vakansiya elan edib

Lənkəran-Astara Regional Təhsil İdarəsinin əhatə dairəsində yerləşən ümumi təhsil müəssisələrində vakant olan tədris (təlim-tərbiyə) işləri üzrə direktor müavini, eləcə də məktəbdənkənar və sinifdənxaric tərbiyə işi üzrə təşkilatçı vəzifələrinə işə qəbul prosesi ilə bağlı 1 noyabr tarixindən sənəd qəbuluna başlanılır. Bu haqda məlumatı Cenublu.az bu gün, 27 oktyabr tarixində verir.

Tələb olunan zəruri sənədlər:

• kadrlar uçotunun şəxsi vərəqəsi;


• şəxsiyyəti təsdiq edən sənədin surəti;


• ali təhsil haqqında sənədin və ona əlavənin surəti;


• əmək kitabçasının surəti.

Təqdim olunmuş sənədlərə əsasən, namizədlərin tələblərə uyğunluğu yoxlanıldıqdan sonra onlar test mərhələsinə dəvət olunacaqlar.

Namizədlər üçün tələblər:

• pedaqoji ixtisas üzrə ali təhsil;


• 3 ildən az olmayaraq pedaqoji staj;


• hazırda ümumi təhsil müəssisəsində pedaqoji fəaliyyətlə məşğul olma.

• Müəllimlərin işə qəbulu üzrə müsabiqə, sertifikatlaşdırma və ya diaqnostik qiymətləndirilmə imtahanında yüksək nəticə əldə etmiş şəxslər;


• Direktor vəzifəsinə işə qəbul üzrə müsabiqədə ehtiyat kadr siyahısına daxil edilmiş, test imtahanı mərhələsində uğur qazanmış, müsahibədə iştirak etməmiş namizədlər.

Müsahibə zamanı yoxlanılacaq meyarlar:

• Vəzifə üzrə nəzəri biliklər;


• İdarəetmə bacarıqları;


• Şəxsi keyfiyyətlər.

Astara, Cəlilabad, Lənkəran, Lerik, Masallı və Yardımlı rayonlarının ümumi təhsil müəssisələrinin vakant yerlərini aşağıdakı linklərdən əldə edə bilərsiniz:

Tədris (təlim-tərbiyə) işləri üzrə direktor müavini.

Məktəbdənkənar və sinifdənxaric tərbiyə işi üzrə təşkilatçı.