Lənkəran “ASAN xidmət” mərkəzində “Güzəştli mənzil” pəncərəsi fəaliyyətə başlayıb. Bu haqda məlumatı Cenublu.az bu gün, 16 iyul tarixində verir.
Belə ki, güzəştli mənzil əldə etmək istəyən vətəndaşların rahatlığını təmin etmək, “Güzəştli mənzil” elektron sistemindən istifadə ilə bağlı sualları cavablandırmaq, habelə elektron sistem vasitəsilə müraciətlərin təqdim edilməsində köməklik göstərmək məqsədilə 3 iyul 2024-cü il tarixindən etibarən Lənkəran şəhərində yerləşən “ASAN xidmət” mərkəzində də “Güzəştli mənzil” pəncərəsi fəaliyyətə başlayıb.
Bununla yanaşı, “ASAN xidmət”in “Çağrı” mərkəzi, habelə MİDA-nın Facebook, İnstagram və YouTube sosial şəbəkələrində müvafiq səhifələri vasitəsilə də vətəndaşlara xidmət göstərilir. Onlar “ASAN xidmət” mərkəzlərinə gəlmədən ölkənin istənilən regionundan “108” nömrəsinə zəng edərək və ya sosial şəbəkələrdəki səhifələrə onlayn müraciət edərək suallarına cavab tapa bilərlər.
