Ötən gün axşam saatlarında Azərbaycan sərhədini keçmək istəyən Əfqanıstan vətəndaşları saxlanılıb. Bu haqda məlumatı Cenublu.az bu gün, 11 sentyabr tarixində verir.
Axşam saatlarında “Lənkəran” sərhəd dəstəsinin Astara rayonunun Qapıçıməhəllə kəndi yaxınlığında İran İslam Respublikasından Azərbaycan Respublikası istiqamətində dövlət sərhədini pozan 40 yaşlı Seraj Helaluddin Serajeddin və 26 yaşlı Haidari Ezatulla Abdulkasım sərhəd pozucuları qismində tutulublar.
Araşdırma zamanı saxlanılan şəxslərin dövlət sərhədini Azərbaycandan Avropa ölkələrinə getmək məqsədilə pozmaları müəyyən olunub.
Fakt üzrə qeyri-leqal miqrasiya kanalının aşkarlanaraq zərərsizləşdirilməsi istiqamətində əməliyyat-istintaq tədbirləri davam etdirilir.
