Lənkəranda ulu öndər Heydər Əliyevin xatirəsi yad edilib. Bu haqda bu gün, 22 fevral tarixində Cenublu.az Lənkəran Şəhər Gənclər və İdman İdarəsinə istinadən xəbər verir.
Tədbir rayonunun Velədi kəndi ərazisində yerləşən Mülki Müdafiə qoşunlarının N saylı hərbi hissəsində keçirilib. Dövlət himninin səsləndirilməsindən sonra ulu öndərin xatirəsi bir dəqiqəlik sükutla yad edilib. Daha sonra çıxış edənlər ümummilli liderin Azərbaycan tarixində görkəmli dahi şəxsiyyət olmasından, Azərbaycan üçün gördüyü işlərdən, müstəqillik dövründə xalqın xilaskarı kimi ölkəni çətin vəziyyətdən çıxarmasından, dövlətimizin möhkəmləndirilməsi, ölkəmizin inkişafı istiqamətində göstərdiyi xidmətlərdən danışıblar. Çıxışlardan sonra vətənpərvərlik mövzusunda şeir, mahnı və rəqs nömrələri nümayiş etdirilib. Tədbirdə 200 nəfər iştirak edib.
