Masallıda “Detektiv əsərlər müəllifi“ adlı tədbir keçirilib. Bu haqda bu gün, 11 fevral tarixində Cenublu.az Masallı Regional Mədəniyyət İdarəsinə istinadən xəbər verir.
Mərkəzi Kitabxanada görkəmli Azəbaycan yazıçısı, jurnalist və ssenarist Cəmşid Əmirovun anadan olmasının 105 illiyi ilə əlaqədar “Detektiv əsərlər müəllifi“ adlı tədbir təşkil olunub.
Tədbiri giriş sözü ilə açan kitabxananın əməkdaşı Gülər Piriyeva bildirib ki, 1918-ci il fevralın 10-da Naxçıvan şəhərində anadan olmuş Cəmşid Əmirov özünəməxsus yaradıcılıq üslubu və orijinal mövzularda yazdığı əsərləri sayəsində oxucuların qəlbinə yol tapmağı bacarıb.
Sonra kitabxananın əməkdaşı Aida Quliyeva Cəmşid Əmirovun ədəbi yaradıcılığı və mətbuat sahəsində fəalliyəti haqqında məruzə edib.
