Cəlilabad rayonunda baş verən faciəli hadisə ilə bağlı yeni detallar ortaya çıxıb.
Cenublu.az xəbər verir ki, hadisə rayonun Privolnoye kəndi ərazisində yerləşən çayda qeydə alınıb. Belə ki, 19 yaşlı Elşən Abbasov 3 dostu və qardaşı ilə birlikdə çimmək məqsədilə çaya gedib. Çayın dərin hissəsinə daxil olan gənc bir müddət sonra suda batmağa başlayıb.
Hadisə yerində olan şəxslər Elşəni xilas etməyə çalışsalar da, onun həyatını xilas etmək mümkün olmayıb. Daha sonra əraziyə cəlb olunan şəxslərin köməyi ilə yeniyetmənin cansız bədəni sudan çıxarılıb.
Mərhumun meyiti aidiyyəti üzrə Məhkəmə-Tibbi Ekspertiza və Patoloji Anatomiya Birliyinin Cəlilabad rayon şöbəsinə təhvil verilib.
Qeyd edək ki, Abbasov Elşən ailənin üç övladından biri olub. O, Göytəpə Peşə Liseyində təhsil alırmış.
Faktla bağlı araşdırma aparılır.
