Cənub bölgəsində narkotik vasitələrin qanunsuz dövriyyəsi ilə bağlı əməliyyat-axtarış tədbirləri keçirilib. Bu haqda məlumatı Cenublu.az bu gün, 16 oktyabr tarixində DİN-ə istinadən verir.
Belə ki, polis əməkdaşları tərəfindən keçirilən əməliyyat tədbiri nəticəsində Elxas Əliyev, Zaur Salayev, Sabir Şəfiyev, Vüqar Süleymanov və Əhməd Ömərov saxlanılıblar. Onlarda ümumilikdə 63 kiloqram narkotik vasitə və psixotrop maddə aşkar edilib.
Faktlarla bağlı Cinayət Məcəlləsinin müvafiq maddələri ilə cinayət işləri başlanılıb, saxlanılan şəxslər barəsində həbs qətimkan tədbiri seçilib.
Qeyd edək ki, Baş Narkotiklərlə Mübarizə İdarəsi əməkdaşlarının son bir ay ərzində qaçaqmalçılıq yolu ilə ölkəyə narkotik vasitələr göndərən mütəşəkkil dəstənin Azərbaycandakı üzvlərinə, eləcə də daxildə bu maddələrin satışını təşkil edən şəxslərə qarşı keçirdikləri əməliyyatlar zamanı ümumilikdə 53 nəfər saxlanılıb.
