Cənub bölgəsində Azərbaycan Milli Antidopinq Agentliyi (AMADA) tərəfindən “Dəyərlərə əsaslanan antidopinq maarifləndirmə proqramı” çərçivəsində maarifləndirmə tədbirləri həyata keçirilib. Bu haqda məlumatı Cenublu.az bu gün, 28 noyabr tarixində Report.az-a istinadən verir.
Təlimlər Elm və Təhsil Nazirliyi və AMADA-nın birgə təşkilatçılığı ilə nazirliyin Lənkəran-Astara Regional Təhsil İdarəsinə tabe olan idman məktəblərini, habelə “Təhsil” Respublika İdman Mərkəzinə tabe olan Uşaq-Gənclər İdman-Şahmat Məktəblərini əhatə edib.
Təlimlərdə iştirakçılara təməl antidopinq bilikləri - dopinq anlayışı, antidopinq qayda pozuntuları, dopinq testi və təmiz idman dəyərləri haqqında geniş məlumat verilib, bundan bəhs edən videoçarxlar nümayiş etdirilib. Azyaşlı, yeniyetmə və gənc idmançılarla maraqlı interaktiv sorğular və testlər keçirilib. Təlimlərdə seçilən idmançılara AMADA tərəfindən müxtəlif hədiyyələr təqdim edilib. Təlimlər çərçivəsində narkotiklərlə mübarizə mövzusu xüsusi yer tutub.
Qeyd edək ki, tədbirlərdə 11 idman növünü təmsil edən təxminən 700 idmançı, müəllim, məşqçi və idman məktəblərinin rəhbərliyi iştirak edib.
[URIS id=29543]
