“Göytəpə” sərhəd dəstəsinin Cəlilabad rayonunun Gülməmmədli kəndi yaxınlığında Azərbaycanın dövlət sərhədini pozan Əfqanıstan vətəndaşları saxlanılıblar. Bu barədə Cenublu.az bu gün, 30 sentyabr tarixində Dövlət Sərhəd Xidmətinin Mətbuat Mərkəzindən məlumat alıb.
Bildirilib ki, 29-30 sentyabr saat 01:20-də Dövlət Sərhəd Xidmətinin Sərhəd Qoşunlarının yerləşdiyi sərhəd zastavasının xidməti ərazisində dövlət sərhədini pozaraq İran İslam Respublikasından Azərbaycan Respublikası istiqamətində keçməyə cəhd edərkən 4 (dörd) nəfər Əfqanıstan Respublikasının vətəndaşları - 29 yaşlı Rəşidi Abdulmunir Abdulxayum, 20 yaşlı Reza Aciqzey Muhammed, 20 yaşlı Tur Emran Abdulsəməd və 19 yaşlı Bəxtiyar Muhammedrəsulafqan Neqmuhammad saxlanılıblar.
Araşdırma zamanı onların İran İslam Respublikasından Azərbaycan Respublikasına, daha sonra Rusiya Federasiyasına keçməklə Avropa ölkələrindən birinə miqrasiya etmək niyyətində olmaları müəyyən olunub.
