Cəlilabad rayonunun Göytəpə şəhərində yanğın baş verib. Bu haqda məlumatı Cenublu.az bu gün, 3 fevral tarixində Fövqəladə Hallar Nazirliyinə istinadən verir.
Belə ki, ümumi sahəsi 15 kv.m olan təndirxananın yanar konstruksiyaları 10 kv.m sahədə yanıb. Yüksək temperaturdan yaxınlıqda ümumi sahəsi 100 kv.m olan birmərtəbəli evin 2 ədəd plastikdən ibarət pəncərə çərçivəsi əriyib.
Təndirxananın qalan hissəsi və ev yanğından mühafizə olunub.
Yanğın yanğından mühafizə bölmələri tərəfindən söndürülüb.
