Cəlilabadda "Xocalı dəhşətləri" adlı tədbir təşkil olunub. Bu haqda bu gün, Cenublu.az xəbər verir.
Tədbir Cəlilabad rayon Heydər Əliyev Mərkəzinin və Mədəniyyət mərkəzinin birgə təşkilatçılığı ilə baş tutub. Heydər Əliyev Mərkəzində keçirilən tədbirdə Masallı Regional Mədəniyyət İdarəsinin Cəlilabad rayon üzrə nümayəndəsi, 3 və 4 saylı şəhər klublarının, mədəniyyət mərkəzinin, qalereyanın əməkdaşları iştirak ediblər.
Əvvəlcə soyqırım qurbanlarının xatirəsi bir dəqiqəlik sükutla yad olunub.
Tədbirdə çıxış edənlər XX əsrin ən dəhşətli faciəsi olan Xocalı soyqırımının acı həqiqətlərindən söhbət açıblar.
Yekunda mərkəzin foyesində təşkil olunmuş Xocalı soyqırımını özündə əks etdirən rəsm sərgisinə baxış keçirilib.
