Cəlilabad Rayon İcra Hakimiyyətinin başçısı Rafiq Cəlilov rayonunun Təklə kənd sakinləri ilə növbəti səyyar qəbul-görüşü keçirib.
Cenublu.az Cəlilabad RİH-nə istinadən xəbər verir ki, Rafiq Cəlilov çıxış edərək son illərdə Cəlilabadın sosial-iqtisadi inkişafı, əhalini narahat edən problemlərin həlli istiqamətində görülən tədbirlər, əhalinin sosial rifah halının yaxşılaşdırılması istiqamətində ölkə rəhbərliyi tərəfindən həyata keçirilən sosial layihələr barədə sakinlərə məlumat verib.
Daha sonra vətəndaşların müraciətləri, istək və təklifləri dinlənilib, kəndin ümumi problemləri müzakirə olunub. Həlli vaxt tələb edən məsələlər nəzarətə götürülməklə aidiyyəti təşkilat rəhbərlərinə müvafiq tapşırıqlar verilib.
