ADPU Cəlilabad filialında “Korrupsiyaya qarşı mübarizənin gücləndirilməsinə dair 2022-2026-cı illər üçün Milli Fəaliyyət Planı” üzrə maarifləndirici tədbir təşkil edilib. Bu haqda məlumatı Cenublu.az bu gün, 6 dekabr tarixində verir.
Toplantıda Rayon İcra Hakimiyyəti başçısının birinci müavini Qalib Xudaverdiyev, Yetkinlik yaşına çatmayanların işləri və hüquqlarının müdafiəsi üzrə komissiyanın məsul katibi Xumarə Xəlilova, rayon prokurorluğunun əməkdaşı Daşqın Səmidli, ADPU Cəlilabad filialının direktoru Xudayar Sultanlı, rayon gənclər və idman idarəsinin baş məsləhətçisi Salamat Nəcəfov, Qızıl Aypara Cəmiyyətinin regional bölməsinin sədri İlkin Qubadov və tələbələr iştirak ediblər.
Görüşün keçirilməsində məqsəd ölkəmizdə korrupsiyaya qarşı mübarizə tədbirlərinin davamlı olmasının təmin edilməsi və rüşvətxorluğa şərait yaradan halların qarşısının alınmasıdır.
Sonda iştirakçıların sualları cavablandırılıb və mövzu ətrafında fikir mübadiləsi aparılıb.
Qeyd edək ki, tədbir Cəlilabad Rayon İcra Hakimiyyətinin təşkilatçılığı ilə keçirilib.
