Cəlilabad rayonunun Xudutəpə yaşayış məskənində qazıntılar zamanı unikal tarixi tapıntı aşkar olunub. Bu haqda məlumatı Cenublu.az bu gün, 30 avqust tarixində Report-a istinadən verir.
Arxeologiya, Etnoqrafiya və Antropologiya İnstitutunun aparıcı elmi işçisi, tarix üzrə fəlsəfə doktoru, arxeoloq Anar Ağalarzadənin verdiyi məlumata görə, tapılan qoç fiquru tarixən Azərbaycan xalqının qədim mənəvi mədəniyyətində bolluq-bərəkət simvolu olub. Xudutəpə yaşayış məskəninin ilk tunc dövrü təbəqəsindən arxeoloji qazıntılar zamanı tapılmış bu kiçik qoç nümunəsi Muğanın minilliklər tarixinin öyrənilməsi üçün böyük rol oynayır.
Qeyd edək ki, bundan əvvəl də sözügedən yaşayış məskənində qazıntı işləri aparılıb və üst qatından orta əsrlərə aid zəngin maddi mədəniyyət nümunələri üzə çıxıb.
