Bu gün Vətən müharibəsi şəhidimiz – Əmral Xəmmədovun ad günüdür.
Əmral Zaur oğlu Xəmmədov 2001-ci il oktyabrın 2-də İmişli rayonunun Çaxırlı kəndində dünyaya göz açıb.
Azərbaycan Ordusunun əsgəri olan Əmral Xəmmədov Vətən müharibəsində iştirak edib. Murovdağ və Cəbrayıl döyüşlərində vuruşub. Cəbrayılın girişində bayraq dalğalandırıb. O, 2020-ci il oktyabrın 15-də Hadrutun azad olunması uğrunda gedən döyüşlərdə şəhadətə ucalıb.
"Vətən uğrunda", "Cəsur döyüşçü", "Xocavəndin azad olunmasına görə", "Kəlbəcərin azad olunmasına görə", "Füzulinin azad olunmasına görə" medalları və III dərəcəli "Rəşadət" ordeni ilə təltif edilib.
