Cəlilabadda tibb bacısı qəfil vəfat edib. Bu haqda bu gün, 1 fevral tarixində Cenublu.az BizimMedia.az-a istinadən xəbər verir.
Alar kənd sakini, 27 yaşlı Ağayeva Nazənin İlqar qızının yaşadığı evində vəziyyəti qəfil pisləşib. Daha sonra o, rayon xəstəxanasına aparılsa da, onun artıq vəfat etdiyi məlum olub.
Cəlilabad Rayon Mərkəzi Xəstəxanasının Cərrahiyyə blokunda tibb bacısı kimi çalışan xanımın ölümü ilə bağlı rayon xəstəxanasından bildirildi ki, mərhum yeni yayılan qrip xəstəliyinə tutulub. Lakin onun dəqiq ölüm səbəbləri hələlik məlum deyil.
Faktla bağlı araşdırma aparılır.
