Cəlilabad şəhərində Heydər Əliyev Seyrəngahında "Əsgərə məktub" layihəsi çərçivəsində tədbir keçirilib. Bu haqda məlumatı Cenublu.az bu gün, 19 oktyabr tarixində verir.
Cəlilabad Rayon İcra Hakimiyyəti və Gəncə Qarnizonu İdeoloji və Mədəniyyət Mərkəzinin birgə təşkilatçılığı ilə təşkil olunan tədbirdə şəhid ailələri üzvləri, müharibə veteranları, rayon ictimaiyyətinin nümayəndələri, cəlilabadlı gənc və yeniyetmələr iştirak ediblər.
İştirakçılar Azərbaycan Ordusu sıralarında xidmət edən əsgərlərimizə ürəklərindən keçən ən xoş arzularını ünvalayıb, xalqımıza qələbə sevincini yaşatdıqlarına görə sonsuz minnətdarlıqlarını çatdırıblar.
