Ötən gün sosial şəbəkədə yayılan video çoxlarının qınağına səbəb olub.
Cenublu.az xəbər verir ki, qeyd edilən görüntülərdə Cəlilabad Rayon 1 saylı Notariat Ofisinin qarşısına gələn rayon sakinləri xidmətin göstərilməməsindən şikayət ediblər.
Həmin videodan aydın olur ki, ofis binasının qapısına “Notarius işləmir. Masallı “Asan Xidmət” Mərkəzinə müraciət edin” və “Biləsuvar Notariat ofisinə də müraciət edə bilərsiniz” elanları vurulub.
Sakinlər bildiriblər ki, rayon ərazisində infrastrukturun zəif, taksilərin qiymətinin yüksək olması səbəbindən onlar sözügedən əraziyə gedib-gələ bilmirlər.
Cenublu.az əməkdaşlarının adıçəkilən Ofisin əlaqə nömrəsinə çoxsaylı zəngləri cavabsız qalıb.
