Muğan kəndində baş vermiş qətl hadisəsinin bəzi nüansları üzə çıxıb. Bu haqda bu gün, 6 fevral tarixində Cenublu.az Report.az-a istinadən xəbər verir.
Belə ki, kənd sakini, 1987-ci il təvəllüdlü Elxan Əmanov keçmiş həyat yoldaşı, 1992-ci il təvəllüdlü Aysel Abbasovanın başını bıçaqla kəsməkdə şübhəli bilinir.
Daha sonra E.Əmanov sirkə turşusu içib və yaxınları onu rayon xəstəxanasına yerləşdiriblər. Lakin E.Əmanovun vəziyyəti ağır olduğu üçün paytaxt xəstəxanalarından birinə aparılıb.
Məlumata görə, tərəflər arasında əvvəllər bir neçə dəfə münaqişələr olub. O, A.Abbasovanı dəfələrlə döyüb. Həmçinin E.Əmanovun ruhi-əsəb xəstəliyindən əziyyət çəkdiyi və buna görə müalicə aldığı bildirilir.
Faktla bağlı Cəlilabad Rayon Prokurorluğunda Cinayət Məcəlləsinin 120.1 (qəsdən adam öldürmə) maddəsi ilə cinayət işi başlanıb, ibtidai istintaq aparılır.
