Cəlilabadda əmək yarmarkası keçiriləcək. Bu haqda bu gün, 16 fevral tarixində Cenublu.az Cəlilabad RİH-yə istinadən xəbər verir.
Dövlət Məşğulluq Agentliyinin Lənkəran-Astara Regional Məşğulluq filialı tərəfindən keçirilən yarmarka 23 fevral tarixdə saat 11:00-dan 18:00-dək Cəlilabad rayon Heydər Əliyev Mərkəzində baş tutacaq.
Qeyd edək ki, yarmarka işaxtaran və işsiz şəxslərin 17 müəssisə tərəfindən vakant göstərilən 300 iş yeri haqqında məlumat əldə etməsi, aktiv məşğulluq tədbirlərinə cəlb olunması, işəgötürənlərin qısa müddətdə zəruri peşəyə, ixtisasa və təcrübəyə malik olan kadrların seçiminə köməklik göstərilməsi məqsədilə keçirilir.
