Cəlilabad rayonunda ötən illə müqayisədə əhalinin sayında artım müşahidə olunub. Bu haqda məlumatı Cenublu.az bu gün, 15 avqust tarixində Report.az-a istinadən verir.
2024-cü ilin yanvar-iyun aylarında əhalinin sayı 217,9 min nəfərə çataraq 2023-cü ilin müvafiq dövrünə nisbətən 2 min nəfər və yaxud 0,9 faiz artıb.
Əhalinin ümumi sayının 26,7 faizini və ya 58,2 min nəfərini şəhər, 73,3 faizini və ya 159,7 min nəfərini kənd sakinləri təşkil edir.
Ümumi əhalinin 51,2 faizini və ya 111,6 min nəfərini kişilər, 48,8 faizini və ya 106,3 min nəfərini qadınlar təşkil edir.
