Cəlilabad rayon Mərkəzi Xəstəxanasında pasiyentlər tibbi preparatları özləri alırlar. Bu haqda bu gün, 9 fevral tarixində Cenublu.az Sonxeber-ə istinadən xəbər verir.
Cəlilabad rayon Mərkəzi Xəstəxanası pasiyentlərə ilkin tibbi yardım göstərmir və tibbi preparatları onların özlərinə aldırır.
Cəlilabad rayon sakini Məhəmməd Hüseynov qeyd edib ki, 7 fevral tarixində zəhərlənmə diaqnozu ilə övladını Cəlilabad rayon mərkəzi xəstəxanasının uşaq şöbəsinə gətirib.
“Növbədə olan Rövşən həkim termometrlə övladımın temperaturunu ölçdü və mənə bildirdi ki, sistem, dərman və s. alım. Mən bildirdim ki, bura dövlət xəstəxanasıdır və tibbi preparatlar dövlət tərəfindən qarşılanır. Həmin vaxt mənim övladıma heç bir tibbi yardım göstərilmədi. Xəstəxanada müşahidə kameraları var”, - deyə şikayətçi bildirib.
