Cəlilabad rayonunda məişət tullantılarının ərazilərdən yığılması, daşınması və ekoloji tarazlığın pozulmasının qarşısının alınması barədə müşavirə keçirilib. Bu haqda məlumatı Cenublu.az bu gün, 27 yanvar tarixində verir.
Müşavirədə Cəlilabad Rayon İcra Hakimiyyətinin başçısı Rafiq Cəlilov, başçının müavinləri Qalib Xudaverdiyev, Nazim Şükürov, aidiyyəti təşkilatların rəhbərləri və əməkdaşları iştirak ediblər.
Müşavirəni giriş sözü ilə açan rayon icra hakimiyyətinin başçısı Rafiq Cəlilov Cəlilabad rayonunda məişət tullantılarının ərazilərdən yığılması, daşınması və poliqona aparılaraq zərərsizləşdirilməsi, şəhər və digər ərazilərdə abadlıq işlərinin aparılmasını qrafikli şəkildə həyata keçirməyin və yaranmış nöqsanların aradan qaldırılması üçün dərhal qərarların qəbul edilməsinin vacibliyini vurğulayıb. RİH başçısı, eyni zamanda məişət tullantıları və rayonun ekoloji tarazlığının qorunması sahəsində məktəblərdə və əhali arasında maarifləndirmə işlərinin genişləndirilməsi, bu məsələlərlə bağlı tədbirlərin keçirilməsini müşavirə iştirakçılarının diqqətinə çatdıraraq öz tapşırıqlarını verib.
