Cəlilabad rayonunun Moranlı kəndinin elektrik təsərrüfatı yararsız vəziyyətdədir. Bu haqda məlumatı Cenublu.az bu gün, 28 noyabr tarixində Report.az-a istinadən verir.
Sakinlərin sözlərinə görə, işıq dirəkləri çürüdüyündən hər an aşmaq təhlükəsi var. Bundan əlavə, naqillərin qırıq-qırıq olması tez-tez təhlükəli vəziyyət yaradır.
Məsələ ilə bağlı Cəlilabad Rayon İcra Hakimiyyətindən bildirilib ki, hazırda rayonun bir çox kəndlərinin ərazisində elektrik təsərrüfatının yenilənməsi işləri gedir: "İnvestisiya proqramı çərçivəsində Moranlı kəndinin də elektrik təsərrüfatı yenidən qurulacaq". Lakin bu işlərə nə vaxt başlanacağı ilə bağlı məlumat verilməyib.
"Azərişıq" ASC-dən isə bildirilib ki, son il yarım ərzində təkcə Cəlilabad rayonu ərazisində 12 kənddə işlər yekunlaşıb və elektrik təsərrüfatı tamamilə yenidən qurulub.
"10 kənddə isə işlər yekunlaşmaq üzrədir. Ümumilikdə, 20-dən çox kənddə elektrik təsərrüfatı yenidən qurulur və bu işlər mütəmadi olaraq bundan sonra da davam etdiriləcək", - qeyd olunub.
Qeyd edək ki, Moranlı kəndi rayon mərkəzindən təxminən 30 kilometr məsafədə yerləşir.
[caption id="attachment_29549" align="alignnone" width="336"]
Report.az[/caption]
