Bu gün, 17 avqust tarixində Xalq artisti İlhamə Quliyevanın anadan olmasının 81 ili tamam olur.
İlhamə Quliyeva 1943-cü ildə Lənkəranda anadan olub. O, Azərbaycan Dövlət Universitetinin filologiya fakültəsində təhsil alıb. Azərbaycan Dövlət Teleradio Verilişləri Şirkəti Estrada Orkestrində, Azərbaycan Dövlət Filarmoniyasında və Dövlət Qastrol-Konsert Birliyində solist kimi çalışıb. Repertuarına Azərbaycan və xarici ölkə bəstəkarlarının əsərləri daxil olub. Sənətkar “Neylərsən”, “Kaman”, “Sən məni unuda bilməzsən”, “Qaragilə”, və s. kimi mahnıları yüksək peşəkarlıqla ifa edib. Bir sıra xarici ölkələrdə qastrolda olub.
İlhamə Quliyeva Azərbaycan və Dağıstanın Xalq artisti fəxri adlarına layiq görülüb, “Şöhrət” və “Şərəf” ordenləri ilə təltif edilib.
İ.Quliyeva 2016-cı ildə vəfat edib.
