Bu gün, 21 avgust tarixində Lənkərandan olan şəhid Xəyal Əhədzadədin doğum günüdür.
Xəyal Əhədzadə 1998-ci ildə Lənkəran rayonunun Nərimanabad qəsəbəsində anadan olub. O, Lənkəran Uşaq-Gənclər İdman Məktəbinin yetirməsi, boks üzrə məktəblilər arasında 40 kq çəki dərəcəsində Azərbaycan birinciliyinin qalibi və yeniyetmələr arasında ölkə çempionatının iştirakçısı olub.
Şəhidimiz 2020-ci ilin sentyabr-noyabr aylarında Vətən müharibəsi zamanı Murovdağ, Cəbrayıl, Füzuli və Şuşa istiqamətində gedən döyüşlərdə vuruşub.
Xəyal Əhədzadə 12 sentyabr 2022-ci ildə Ermənistan Silahlı Qüvvələri tərəfindən törədilən genişmiqyaslı təxribatın qarşısının alınması zamanı şəhidlik zirvəsinə ucalıb.
Ölümündən sonra “Azərbaycan Bayrağı” ordeni, “Cəbrayılın azad olunmasına görə”, “Füzulinin azad olunmasına görə”, “Şuşanın azad olunmasına görə” və “Kəlbəcərin azad olunmasına görə” medalları ilə təltif olunub.
