Bu gün, 28 fevral tarixində Azərbaycan Silahlı Qüvvələrinin əsgəri, Vətən müharibəsi şəhidi Ülfət Babazadənin mövlud günüdür.
Ülfət Qabil oğlu Babazadə 2000-ci ildə Lənkəran rayonunun Daştatük kəndində anadan olub. Vətən müharibəsi zamanı Xocavəndin və Şuşanın azadlığı uğrunda gedən döyüşlərdə savaşıb. O, 8 noyabr Şuşa döyüşləri zamanı şəhid olub. Lənkəran rayonunda dəfn olunub.
Ölümündən sonra "Vətən uğrunda", "Cəsur döyüşçü" "Şuşanın azad olunmasına görə" və "Xocavəndin azad olunmasına görə" medalları ilə təltif edilib.
