Bu gün, 16 oktyabr tarixində Birinci Qarabağ müharibəsi şəhidi Səfəralı Qurban oğlu Məmmədovun doğum günüdür.
Səfəralı Məmmədov 16 oktyabr 1963-cü ildə Masallı rayonunun Sərçuvar kəndində anadan olub. 1981-ci ildə məktəbi bitirib və hərbi xidmətə çağırılıb. 1990-cı ildə Bakı Xüsusi Orta Milis Məktəbinə göndərilib. Burada o, leytenant rütbəsi alıb.
Ağdam rayonunda polis komandiri kimi döyüşlərə qoşulan Səfəralı Fərruxda, Ağbulaq fermasında, Qarakənd kəndində onlarla ermənini girov götürüb. Sarışın olması, rus dilini səlis bilməsi ona ermənilər arasına təkbaşına getməsinə imkan verirdi.
1992-ci il 16 fevral tarixində Səfəralının son döyüşü olub. Erməni dəstələri Xocavənd rayonunun Qaradağlı kəndinə hücum edən zaman Səfəralı faciəli surətdə həlak olub.
Şəhid Masallı rayonunun Sərçuvar kəndində dəfn edilib.
Səfəralı Məmmədova ölümündən sonra "Azərbaycanın Milli Qəhrəmanı" adı verilib.
