Bu gün, 27 yanvar tarixində Birinci Qarabağ müharibəsi şəhidi Nail Babulla oğlu Həsənovun ölümündən 29 il keçir.
Nail Həsənov 20 fevral 1975-ci ildə Astara rayonunun Kijəbə qəsəbəsində anadan olub. 27 aprel 1993-cü ildə hərbi xidmətə çağırılıb. Əvvəlcə 741 saylı hərbi hissənin tərkibində Göytəpədə hərbi təlim keçib. Birinci aydan sonra Ağcabədinin Avşar kəndində ilk döyüşlərdə istirak edib.
27 yanvar 1994-cü ildə Füzuli cəbhəsində sonuncu döyüşü olub. Şəhidin oxuduğu Astara rayonunun Kijəbə qəsəbə tam orta məktəbinə onun adı verilib.
