Bu gün, 11 oktyabr tarixində Azərbaycan Silahlı Qüvvələrinin giziri, şəhid Məhərrəm Ələşrəf oğlu Hüseynovun doğum günüdür.
Məhərrəm Hüseynov 1983-cü ildə Cəlilabad rayonunun Fərəcullalı kəndində anadan olub. 2003-cü ildə müddətli həqiqi hərbi xidməti bitirdikdən sonra gizirlik kursuna daxil olub və 2004-cü ilin mayında kursu bitirərək orduda xidmətə başlayıb.
44 günlük Vətən müharibəsinin də iştirakçısı olmuş Məhərrəm Hüseynov 19 sentyabr 2023-cü ildə Azərbaycan Ordusu tərəfindən başladılan lokal xarakterli antiterror əməliyyatı zamanı döyüş tapşırığını yerinə yetirərkən qəhrəmancasına şəhid olub.
