Bu gün Vətən müharibəsi şəhidi leytenant Məhərrəmov Vüsal Aslan oğlunun xatirəsi anılır.
Vüsal Məhərrəmov 1979-cu il dekabrın 10-da Masallı rayonunun Hişkədərə kəndində anadan olub.
1986-cı ildə Hişkədərə kənd tam orta məktəbinin birinci sinfinə gedib, 1997-ci ildə həmin məktəbi əla qiymətlərlə bitirib. 1997-2001-ci illərdə Gəncə Kənd Təsərrüfatı Akademiyasında təhsil alıb.
Azərbaycan Ordusunun leytenantı Vüsal Məhərrəmov Vətən müharibəsi zamanı Şuşa istiqamətində gedən şiddətli döyüşlərdə qəhrəmancasına şəhid olub.
Ölümündən sonra “Vətən uğrunda” medalı ilə təltif edilib.
