Bu gün, 8 fevral tarixində Azərbaycan Silahlı Qüvvələrinin MAXE hərbi qulluqçusu, Vətən müharibəsi şəhidi Əlikram Qabil oğlu Xanışovun mövlud günüdür.
Əlikram Xanışov 8 fevral 2000-ci ildə Cəlilabad rayonunun Göytəpə şəhərində anadan olub. O, 2018-ci ildə V. Hüseynov adına Göytəpə şəhər 2 saylı tam orta məktəbi bitirib. Əsgərlik borcunu Goranboy rayonunun N saylı hərbi hissəsində yerinə yetirdikdən sonra 2020-ci ilin aprel ayında evə qayıdıb. 20 gündən sonra isə müddətdən artıq xidmət etmək üçün yenidən hərbiyə yollanıb.
Vətən müharibəsi zamanı o, Talış-Suqovuşan döyüşlərində savaşıb. 2 oktyabr 2020-ci ildə Talış-Suqovuşan istiqamətində şəhidlik zirvəsinə ucalıb. 30 noyabr 2020-ci ildə Cəlilabadda dəfn olunub.
Ölümündən sonra "Vətən uğrunda", "Suqovuşanın azad olunmasına görə" və "Cəsur döyüşçü" medalları ilə təltif olunub.
