8 noyabr 2020-ci ildə 44 gün sürən hərbi əməliyyatlar nəticəsində Şuşa şəhəri işğaldan azad edilib. Bu tarix böyük əhəmiyyət daşıdığından hər il bu gün Azərbaycanda Zəfər Günü kimi qeyd olunur.
27 sentyabr 2020-ci ildə başlamış Vətən müharibəsi zamanı Azərbaycan Ordusu Cəbrayıl, Füzuli, Zəngilan, Qubadlı, Şuşa şəhərlərini, bundan əlavə, Zəngilan rayonunun 3 qəsəbəsini, Xocavənd rayonunun 1 qəsəbəsini və bir çox kəndlərini, Tərtər, Xocalı və Laçın rayonlarının bir neçə kəndləri daxil olmaqla, 300-dən artıq yaşayış məntəqəsini, həmçinin Ağdərə, Murovdağ və Zəngilan istiqamətlərində mühüm strateji yüksəklikləri işğaldan azad edib.
10 noyabr 2020-ci ildə Azərbaycan Respublikası Prezidenti İlham Əliyev, Rusiya Federasiyası Prezidenti Vladimir Putin və Ermənistan Respublikası Baş naziri Nikol Paşinyan üçtərəfli bəyanat imzalayıblar. Bu, Azərbaycanın 44 günlük müharibədəki qələbəsinin son nəticəsi idi.
3 dekabr 2020-ci ildə 8 Noyabr tarixinin Zəfər Günü kimi qeyd olunması haqqında qanun qəbul edilib.
Cenublu.az Zəfər Günü münasibəti ilə Azərbaycan xalqını təbrik edir!
