"Təcrübə üçün səfər et" layihəsi çərçivəsində bir qrup gənc Lənkəran şəhər Mədəniyyət Mərkəzində olub. Bu haqda bu gün, 1 mart tarixində Cenublu.az Lənkəran Regional Mədəniyyət İdarəsinə istinadən xəbər verir.
Tədbir zamanı gənclər “Babalar” folklor qrupunun məşq prosesini, rəsm və rəqs dərnəklərinin fəaliyyətini izləyiblər, həmçinin Etnoqrafiya muzeyini gəziblər. Eləcə də gənclərimizə mərkəzin mart ayı üçün fəaliyyətlərinin planlaşdırılması ilə bağlı təşkil olunan iclasda iştirak etmək və öz təkliflərini vermək şəraiti yaradılıb.
Layihənin məqsədi dövlət və özəl müəssisələrə gənclər üçün infoturlar təşkil etmək, müəssisədəki əməkdaşların işləri ilə tanış olmaq, gələcəkdə mövcud iş yerləri ilə bağlı məlumat əldə etməkdən ibarətdir.
Qeyd edək ki, tədbir Lənkəran Regional Mədəniyyət İdarəsinin və GİKM-in Lənkəran nümayəndəliyinin birgə təşkilatçılığı ilə keçirilib.
