Biləsuvar Rayon Polis Şöbəsinin dövlət yol polisi bölməsinin əməkdaşları tərəfindən “Piyadalar, diqqətli olun!” şərti adı altında profilaktik tədbir keçirilib.
Cenublu.az xəbər verir ki, bu barədə DİN-in Mətbuat Xidmətinin Lənkəran regional qrupundan bildirilib.
Tədbir zamanı yol polisləri piyada keçidindən düzgün istifadə etməyən şəxslərlə maarifləndirici söhbətlər aparıblar. Hərəkət iştirakçılarına yol hərəkəti qaydalarına düzgün riayət etməyin vacibliyi tövsiyə olunub. Edilən xəbərdarlıqlara baxmayaraq, yol hərəkəti qaydalarını pozan piyadalar haqqında inzibati protokollar tərtib olunub.
Qeyd edək ki, mövsümə uyğun piyadaların hərəkət intensivliyi nəzərə alınaraq, eləcə də piyadaların vurulması ilə nəticələnən yol-nəqliyyat hadisələrinin sayının minimuma endirilməsi məqsədi ilə hərəkət iştirakçıları, xüsusilə piyadalar arasında intizamın möhkəmləndirilməsi məqsədilə respublika ərazisində “Piyadalar, diqqətli olun!” şərti adı altında hərəkətin təhlükəsizliyi həftəliyi keçirilir.
