Azərbaycan Yazıçılar Birliyinin (AYB) Lənkəran bölməsi Türkiyə Respublikasında baş vermiş dağıdıcı zəlzələdə həlak olanların xatirəsinə hərs olunan “Bir millət, iki dövlət: dostluğumuz əbədidir” adlı tədbir keçirib. Bu haqda məlumatı Cenublu.az bu gün, 13 fevral tarixində ARB TV-yə istinadən verir.
Tədbirdə giriş nitqi ilə çıxış edən bölmə sədri Qafar Cəfərli təbii fəlakət nəticəsində həlak olanlara Allahdan rəhmət, yaralılara isə şəfa diləyib. Daha sonra tədbir dəhşətli fəlakətlə bağlı yazıçı və şairlərin hadisəyə münasibəti, söylədiyi fikirlər, həmçinin Türkiyə-Azərbaycan dostluğuna həsr olunmuş bədii əsərlərin nümayişi ilə davam edib. Xüsusi vurğulanıb ki, qardaş türk xalqı ilə zəfərdə bir yerdə olduğumuz kimi, kədərdə də bir yerdəyik.
“Yazıçılar birliyinin Lənkəran bölməsi olaraq, biz Türkiyədə baş verən fəlakətə münasibəti bildirmək üçün bu tədbiri hazırlamışıq. Bizim şairlərimiz də, ziyalılarımız da, ümumən Azərbaycan xalqı bu faciəyə böyük ürək ağrısı ilə yanaşır”, - deyə bölmə sədri Qafar Cəfərli bildirib.
[caption id="attachment_33456" align="alignnone" width="336"]
ARB[/caption]
