19 sentyabrda Azərbaycan Respublikasının Silahlı Qüvvələri tərəfindən Qarabağ iqtisadi rayonunda keçirilən lokal xarakterli antiterror tədbirləri zamanı Ordumuzun hərbi qulluqçusu Şəhriyar Bəxtiyar oğlu Əliyev şəhidlik zirvəsinə ucalıb. Bu haqda məlumatı Cenublu.az bu gün, 22 sentyabr tarixində verir.
Şəhriyar Əliyev 1997-ci ildə Astara rayonunun Şiyəkəran kəndində anadan olub. Uşaq yaşlarından ailəsi ilə birgə Bakıda yaşayıb. O, 19 sentyabr 2023-cü il tarixində Ağdərə istiqamətində minaya düşərək şəhidlik zirvəsinə ucalıb. Qəhrəmanımız 10 il öncə qardaşını, 7 il öncə isə anasını itirib. Bakı şəhəri, Bakıxanov qəsəbəsində atası və bacısı ilə yaşayıb.
Şəhriyar Əliyevin 28 sentyabr tarixində nişanı olacaqdı. O, Bakı şəhəri, Bakıxanov qəsəbəsində 21 sentyabr tarixində torpağa tapşırılıb.
