Astara rayonu, Pensər kənd sakini, Vətən müharibəsi qazisi, Şuşa döyüşlərində ağır yaralanan Mirdavud Asəm oğlu Tahirov vəfat edib. Bu haqda məlumatı Cenublu.az bu gün, 7 yanvar tarixində verir.
İki ildən çox müalicə alan XTQ zabiti Mirdavud Tahirov doğulub boya-başa çatdığı rayonda dəfn edilib.
Qeyd edək ki, o, Pedaqoji Universitetin tələbəsi ikən Vətən müharibəsinə yollanıb. Onun anası da müharibə vaxtı könüllü olaraq tibb bacısı kimi yaralılara yardım edib.
Müharibədən sonra "Döyüşdə fərqlənməyə görə", "Kəlbəcərin azad edilməsinə görə", "Şuşanın azad edilməsinə görə" medalları ilə təltif edilib.
