77 saylı Astara seçki dairəsindən seçilən millət vəkili Rəşad Mahmudov seçicilərini qəbul edib. Bu haqda məlumatı Cenublu.az bu gün, 13 fevral tarixində verir.
Qəbul Yeni Azərbaycan Partiyasının Astara rayon Təşkilatının İnzibati binasında baş tutub. Qəbulda YAP Astara Rayon Təşkilatının sədri Həbib Cəfərov da iştirak edib.
Seçicilər, əsasən, işsizlik, əlillik təyinatı, sosial müavinət, səhhətlərindəki problemlərin həlli və bu kimi digər məsələlərlə bağlı müraciətlər səsləndiriblər.
Problemlərin bir hissəsi yerindəcə həll olunub. Digər məsələlər isə nəzarətə götürülərək aidiyyəti orqanlara yönləndirilib.
