Astaradan olan Vətən müharibəsi şəhidi Ruslan Əliyevin atası Aslan Əliyev dünən, 26 iyul tarixində qəfil vəfat edib. Bu haqda məlumatı Cenublu.az bu gün, 27 iyul tarixində BizimAstara-ya istinadən verir.
Ruslan Aslan oğlu Əliyev 8 aprel 2000-ci ildə Astaranın Ərçivan qəsəbəsində anadan olub.
2020-ci il sentyabrın 27-də başlayan Vətən müharibəsi zamanı Gülüstan və Ağuçuq istiqamətində gedən hərbi əməliyyatlarda iştirak edib. O, xeyli sayda düşmən hərbi qulluqçusunu məhv edərək, sentyabrın 29-da qəhrəmancasına şəhid olub.
R.Əliyev sentyabrın 30-u Ərçivan qəsəbəsində torpağa tapşırılıb.
Ölümündən sonra "Vətən uğrunda" medalı ilə təltif edilib.
