Astarada "Astara ziyalılarını tanıyaq" layihəsi çərçivəsində fizika müəllimi Mübariz Bəxtiyarovla görüş keçirilib. Bu haqda məlumatı Cenublu.az bu gün, 14 avqust tarixində verir.
Mübariz Bəxtiyarov 17 iyul 1947-ci ildə Astara rayonunun Təngərüd kəndində anadan olub. O, Z.Bünyadov adına 2 saylı orta məktəbdə fizika müəllimi kimi çalışır.
Görüş Rayon Mərkəzi Kitabxanasının Oxuculara xidmət şöbəsinin təşkilatçılığı ilə baş tutub.
Yekunda Mərkəzi Kitabxanasının Oxuculara xidmət şöbəsinin əməkdaşları Nigar Təqiyeva və Aygün İmaməliyeva fonda daxil olan yeni kitabları ziyalı müəllimə təqdim edərək, məlumatlar veriblər.
