Astarada polis əməkdaşları Vətən Müharibəsi şəhidinin ailəsini ziyarət ediblər.
Cenublu.az xəbər verir ki, Astara Rayon Polis Şöbəsinin rəhbərliyi Zəfər Günü ərəfəsində Vətən müharibəsinin şəhidi, DİN-in Daxili Qoşunlarının hərbi qulluqçusu, baş çavuş Orxan Babayevin ailəsinə baş çəkib. Şəhidin əziz xatirəsi yad edilib, ailənin qayğıları ilə maraqlanıblar.
Tarixi Qələbənin əldə olunmasında canından keçən bütün qəhrəman oğullarımızın xatirəsinin ədəbi yaşayacağını qeyd edilib.
Şəhid Orxan Babayevin timsalında qəhrəman oğullarımızın şərəfli döyüş yolunun gələcək nəsillərə nümunə olduğu, xalqımızın mərd, vətənpərvər igidləri ilə fəxr etdiyi vurğulanıb.
Şəhidin ailəsi göstərilən diqqətə və qayğıya görə minnətdarlıqlarını ifadə ediblər.
