Astarada “Tarixi abidələr milli kimliyimizdir“ adlı sərgi və tədbir keçirilib. Bu haqda məlumatı Cenublu.az bu gün, 4 iyul tarixində verir.
Görüş Heydər Əliyev Mərkəzində baş tutub. Burada Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin Salyan Regional İdarəsinin Astara rayonu üzrə nümayəndəliyi, Astara Dövlət Rəsm Qalereyasının əməkdaşları, M.Ə.Sabir adına Astara şəhər 1 saylı tam orta məktəbinin, Astara şəhər 5 saylı tam orta məktəbinin müəllimləri və şagirdləri iştirak ediblər.
Tədbirdə mövzu üzrə geniş məlumatlar verilib. Daha sonra ”Astara rayonunun tarixi abidələri” mövzusunda film təqdim edilib. Görüş şagirdlərin mövzu ilə bağlı suallarının cavablandırılması ilə davam edib.
Yekunda Astara rayonu ərazisində mühafizə olunan abidələrin fotoşəkillərindən təşkil olunmuş sərgi həyata keçirilib.
