2 fevral - Azərbaycan Gəncləri Günü münasibətilə “Gənclər həftəsi” çərçivəsində Astarada sərhədçi əsgərlərlə görüş və mükafatlandırma mərasimi keçirilib. Bu haqda məlumatı Cenublu.az bu gün, 31 yanvar tarixində verir.
Tədbirdə Lənkaran Sərhəd Dəstəsinin Şəxsi heyət üzrə şöbə rəisi, polkovnik Mehman Şükürov, Astara Sərhəd komendantının müavini kapitan Amid Ağayev, Astara rayon Gənclər və İdman İdarəsinin rəisi Rufan Şirinov çıxış ediblər.
Sonra 2 fevral - Azərbaycan Gəncləri Günü münasibətilə tədbirdə dövlət sərhədlərinin etibarlı mühafizəsində fərqləndiyinə görə gənc sərhədçilər Taleh Musayev, Kamil Həsənli, Paşa Tağıyev, Musa Qocayev, Ömər Tağızadə Astara rayon Gənclər və İdman İdarəsinin fəxri fərmanları ilə təltif olunublar.
Yekunda xatirə şəkli çəkilib.
