Astaradan olan şəhidlərin məzarlarına mədəniyyət nümayəndələri tərəfindən baş çəkilib. Bu haqda məlumatı Cenublu.az bu gün, 23 oktyabr tarixində verir.
Belə ki, Pensər kənd Mədəniyyət Evinin əməkdaşları şəhid Samir Səmədovun məzarını ziyarət ediblər. Şəhid Fikrət Bəşirov və Rameş Zəkiyevin məzarları isə rayon Heydər Əliyev Mərkəzinin əməkdaşları tərəfindən ziyarət olunub.
Sonra şəhidlərin ailələrinə baş çəkilib və onlara dərin hüznlə başsağlığı verilib.
Qeyd edək ki, ölümündən sonra Samir Səmədov “Vətən uğrunda” medalı ilə, Fikrət Bəşirov "Hərbi xidmətdə fərqlənməyə görə" III dərəcəli medalı ilə, Rameş Zəkiyev isə “Vətən uğrunda” və “Ağdamın azad olunmasına görə” medalları ilə təltif olunublar.
