Astaradan olan şəhid Samir Səmədovun anım günü ilə bağlı onun ailəsi ziyarət olunub. Bu haqda məlumatı Cenublu.az bu gün, 20 oktyabr tarixində verir.
Mərasimdə Heydər Əliyev Mərkəzinin əməkdaşları iştirak ediblər. Onlar şəhidin ailə üzvləri ilə görüşərək onlarla söhbət edib və şəhidin ev-muzeyindəki əşyaları ilə tanış olublar.
Qeyd edək ki, Samir Səmədov Vətən müharibəsi zamanı Talış kəndi və Ağdərə rayonu istiqamətində gedən şiddətli döyüşlərdə iştirak edib. Düşmənin çox sayda canlı qüvvəsini məhv edən qəhrəmanımız 10 oktyabr 2020-ci ildə itkin düşür, 18 noyabr tarixində isə nəşi tapılır. O, ölümündən sonra "Vətən uğrunda” medalı ilə təltif edilib.
