Astara Tarix-Diyarşünaslıq Muzeyində şəhid Rəhman İsmayılovun ailəsi ilə görüş keçirilib. Bu haqda məlumatı Cenublu.az bu gün, 7 sentyabr tarixində verir.
Tədbirdə şəhidin həyat yoldaşı Aysel Əliyeva, qızı Aylin, Azərbaycan Dövlət Neft və Sənaye Universitetinin tələbələri və mədəniyyət nümayəndələri iştirak ediblər.
Çıxışlarda şəhidin həyat və döyüş yolundan, 44 günlük Vətən müharibəsində Azərbaycan Ordusunun qələbəsindən bəhs edilib.
Tədbirdə çıxış edən şəhidin həyat yoldaşı Rəhman İsmayılovun xatirələrindən danışıb. Yekunda şəhidin qızına hədiyyə təqdim olunub.
Qeyd edək ki, Rəhman İsmayılov 44 günlük Vətən müharibəsi zamanı Cəbrayıl və Qubadlının azad olunması uğrunda gedən döyüşlərdə 19 oktyabr tarixində şəhidlik zirvəsinə ucalıb. Ağstafanın Muğanlı kəndində dəfn edilib.
Ölümündən sonra “Vətən uğrunda”, “Cəbrayılın azad olunmasına görə”, Qubadlının azad olunmasına görə”, “Hərbi xidmətlərə görə” medalları ilə təltif olunub. Şəhidin həyat yoldaşı və qızı Astara rayonunun Ərçivan qəsəbəsində yaşayırlar.
