Astara rayon Mədəniyyət Mərkəzinin Şiyəkəran kənd Diyarşünaslıq Evində baş leytenant Əsədov Ayaz Əbdul oğlunun anadan olmasının 50 illiyi münasibətilə anım tədbiri baş tutub. Bu haqda məlumatı Cenublu.az bu gün, 30 avqust tarixində verir.
Birinci Qarabağ müharibəsində şəhidlik zirvəsinə ucalan baş leytenant üçün keçirilən tədbirdə Astara Rayon İcra Hakimiyyətinin əməkdaşları, şəhidin ailə üzvləri, müharibə iştirakçıları və rayon ictimaiyyəti iştirak ediblər.
Şəhidin cəbhə yoldaşları çıxışlar zamanı Ayaz Əsədovun qəhrəmanlıqlarından söhbət açıblar.
Qeyd edək ki, tədbir kənd Mədəniyyət Evinin hazırladığı kompozisiya ilə davam edib.
