Astara Rayon İcra Hakimiyyətinin inzibati binasında “Astara rayonunda məişət tullantılarının ərazilərdən yığılması, daşınması və ekoloji tarazlığın pozulmasının qarşısının alınması” mövzusunda iclas keçirilib. Bu haqda məlumatı Cenublu.az bu gün, 15 fevral tarixində verir.
İclasda Astara MKTTB MMC-nin rəisi, şəhər, qəsəbə və kənd inzibati ərazi dairəsi üzrə nümayəndələri və bələdiyyələr iştirak ediblər.
İclası giriş sözü ilə açan rayon icra hakimiyyəti başçısının müavini, Sosial-iqtisadi inkişafın təhlili və proqnozlaşdırılması şöbəsinin müdiri İlqar Malıyev Astara rayonu ərazisində məişət tullantılarının ərazilərdən yığılması, daşınması və poliqona aparılaraq zərərsizləşdirilməsi, şəhər və digər ərazilərdə abadlıq işlərinin aparılmasını müntəzəm həyata keçirmək və yaranmış nöqsanların aradan qaldırılmasının vacibliyini vurğulayıb, eyni zamanda məişət tullantılarının düzgün idarə olunması və rayonda ekoloji tarazlığın qorunması üçün əhali arasında maarifləndirmə işlərinin genişləndirilməsinin vacibliyini iclas iştirakçılarının diqqətinə çatdırıb.
Astara MKTTB MMC-nin rəisi öz çıxışında Astara rayonunda məişət tullantılarının ərazilərdən yığılması, daşınması və ekoloji tarazlığın pozulmasının qarşısının alınması ilə bağlı görülmüş işlər barədə məlumat verib.
