Astarada “İnsan hüquqları və dəyərləri” adlı seminar təşkil olunub. Bu haqda məlumatı Cenublu.az bu gün, 4 iyul tarixində verir.
“Hüququmuzu bilirik” layihəsi çərçivəsində keçirilən təlim Gənclər Evində baş tutub. Burada Lənkəran–Astara Regional Gənclər və İdman İdarəsinin Astara rayonu üzrə gənclər və idman sektorunun, Astara Gənclər Evinin əməkdaşları çıxış edərək mövzu ətrafında məlumatlar veriblər. Bundan əlavə, BMT-nin Uşaq Hüquqları Konvensiyası, qanunun təhsildə rolu, ayrı-seçkilik və tolerantlıq, uşaq əməyi, ailələrin birləşdirilməsi və baxımsızlıqdan qorunması mövzuları müzakirə edilib.
Daha sonra “Hüquqlar uğrunda mübarizə aparanlar” qrup çalışması və “Bir addım irəli” adlı simulyasiya həyata keçirilib.
Tədbir Lənkəran–Astara Regional Gənclər və İdman İdarəsinin və Astara Gənclər Evi Sosial Xidmət Müəssisəsinin birgə təşkilatçılığı ilə həyata keçirilib.
